Zer da
eremu digitalizatu batean, enpresa bat edozein erasotatik edo datu-galeratatik babesten duten teknologien eta zerbitzuen multzoa da. Industria sektoreko zibersegurtasunari dagokionez bi eragin esparru nagusi bereiz daitezke:
- It inguruneak (Information Technology – Informazioaren teknologiak): edozein enpresatako ordenagailuek, zerbitzariek eta hodeiko zerbitzuek osatzen dituzte. Horietan informazioa biltegiratzen da, Interneteko edo posta elektronikoko zerbitzuetara sartzen da eta beste makina batzuetatik datorren informazioa bistaratzen da.
- Ot inguruneak (Operation Technology – Eragiketaren teknologiak): datuak eman eta prozesuen funtzionamendua arautzen duten konputazio-gaitasun mugatua duten gailuek osatzen dituzte: PLCak, SCADA gailuak, gauzen Interneti lotutako sentsoreak eta aparatuak.
It ingurune baten aurkako eraso batek dirua edo informazioa galtzea ekar dezake; aldiz, ot inguruneen aurkako eraso batek enpresa baten ekoizpena geldiarazi dezake.
Zertarako balio du
Mehatxu edo eraso informatikoak geldiarazteko edo prebenitzeko ez ezik, zibersegurtasuna bezeroei eta merkatuari konfiantza emateko ere erabiltzen da, erabiltzailearen eta erabilitako sistemen esposizio-arriskuak ahalik eta gehien murrizteko aukera emanez.
Erabilgarria den sektoreen adibideak
Zibersegurtasuna zeharkako aplikazioa duen teknologia da, eta, beraz, antolatutako ziber-gaizkileen erasoak jasan ditzaketen, informazio digitalizatua darabilten sektore guztietan erabil daiteke.
Bideoa: https://www.youtube.com/watch?v=MtQ6-yBzGDs&feature=emb_logo
(iturria: podcast Industria 4.0)